من المشط بالزهيري ( ردلي )

من المشط بالزهيري ( ردلي )
====================

عنك هواي انشدت بس ماوصل = ردلي

يالخذت كلبي الوفي كبل الجفه = ردلي

ضيعت كل التعب ماحققت = راده لي

ثلثين عمري انتهى بين العتب = والهم

ضايع بدرب الوكت اسحن صبر = والهم

طعت الوشاة ورحت منهم صرت = ولهم

يوم الغزاني العشك كلبي هتف = مرحله

لاجن ابد ماذكت من النبع = مرحله

ماجنت ادري الحلو بالحب اله = مرحله

ياحيف بمحبتك دمع النواظر = وشل

خليتني بغربتي بجروحي اروفن = وشل

رمح التجافي كلف هودر بجسمي = وشل

غنيت من حركتي وماواحد = ردلي

-------------------------------------[center]

حجيت انه بالهوى وصارت الي = عمره

وان جان انت وفي حيلي انهدم = عمره

وسنين كلب الوفي اوياك انته = عمره

روحي تظل بالعشك طول العمر = ولها

اتونس ابدنيتك وانسه الهوى = والها

كلي اشجبت با لهوى لرويحتي = ولها

اتمنى دارك تظل لهل الوفه = عمره

--------------------------------------[center]